Matej

7 Drumal propovedinen: ’O nebesko Kraljevstvo tano paše.‘ 8 Saćaren e nabormen, vazden e mulen, čistinen e gubavconen, forden e demonen. Besplatno dobinđen, besplatno hem den. 11 „Ki bilo koja diz ja gav khuvena, roden othe okole koj tano dostojno te primini tumen hem aćhoven othe đi na đana tumenđe. 15 Verujinen maje, ko Sudnjo dive ka ovel polokho asi Sodoma hem i Gomora nego odola dizjaće. 16 „Aće, me bićhalava tumen sar bakre maškaro ruva. Odolese oven oprezna sar o sapa, a bezazlena sar o golubija. 18 Sebepi mande ka legaren tumen anglo namesnikija hem kraljija, te den svedočanstvo olenđe hem e manušenđe ando avera narodija. 19 A ked ikalena tumen ko sudo, ma sikirinen tumen sar ja so ka vaćeren, sose ko odova trenutko ka đanen so te vaćeren. 20 Sose na ka vaćeren samo tumen, nego tumare Dadeso duho ka vaćeri prekalo tumende. 22 Sarine ka mrzinen tumen sebepi mo anav. Ama ko istrajini đi o krajo, ka ovel spasimo. 23 Ked ka progoninen tumen ki jekh diz našen ki aver. Verujinen maje, na ka resen te đan ko sa o izraelska dizja angleder te avel o manušikano Ćhavo. 27 Okova so phenava tumenđe ki tomnina, vaćeren ki svetlost, hem okova so phenela pe tumenđe ko kan, propovedinen kotar krovija. 28 Ma daran okolendar kola mudarena o telo, ama našti te mudaren i duša. Daran okolestar kova šaj te mudari hem i duša hem o telo ki gehena. 29 Na biknena pe li duj vrapcija aso jekh novčić? Ama ipak, nijekh olendar na perela ki phuv, a tumaro Dad te na đanel odolese. 30 A tumenđe tane hem sa o bala ko šero đende. 31 Odolese, ma daran, tumen vredinena pobuter ando but vrapcija. 32 Svako ko anglo manuša ka phenel so verujini upro mande, hem me ka phenav soj tano mo učeniko anglo mo Dad kova tano ko nebo. 33 A ko odreknini pe mandar anglo manuša, hem me ka odrekninav man olestar anglo mo Dad kova tano ko nebo. 34 Ma mislinen so aljum te anav mir ki phuv. Na aljum te anav mir, nego mač. 35 Aljum te odvojinav e manuše ando oleso dad hem e ćhaja andi olaki daj hem e borja andi olaki sasuj. 36 E manušese neprijateljija ka oven olese ćherutne. 37 Ko mangela pe dade ja pe daja pobuter mandar, ov na zaslužini te ovel mo učeniko. Ko mangela pe ćhave ja pe ćhaja pobuter mandar, ov na zaslužini te ovel mo učeniko. 38 Ko na prihvatini po mučeničko stubo hem na đala palo mande, ov na zaslužini te ovel mo učeniko.