1. Petrova

6 Sebepi odova but radujinena tumen, iako akana mora hari te trpinen sebepi o razna kušnje, 7 te šaj tumari ispitimi vera, koja tani povredno ando zlato, kova propadini iako ispitini pe jagaja, anela hvala, slava hem čast ked ka objavini pe o Isus Hrist. 8 Iako niked na dikhljen le, tumen mangena le. Iako hem akana na dikhena le, ipak verujinena upro leste hem hijen potpuno bahtale. 9 sose hijen sigurna so sebepi tumari vera ka oven spasime. 13 Odolese pripreminen tumari godi asi bari buti, ko sa pazinen. Uzdajinen tumen ko nezasluženo šukaripe kova ka ovel tumenđe mothovdo ked ka objavini pe o Isus Hrist. 14 Sar poslušna ćhave, ma mukhen hem ponodri te oblikujinen tumen o želje kola hine tumen ked na đanđen e Devlese, 15 nego oven sveta ko sa so ćerena, sar soj tano sveto o Devel kova vićinđa tumen, 16 sose pisimo tano: „Oven sveta, sose me hijum sveto.“ 18 Sose đanena so ando tumaro isprazno način ando životi kova nasledinđen ando tumare paradada na hijen oslobodime disovaja so raspadini pe – srebroja ili zlatoja – 19 nego e Hristese dragoceno rateja, kova tano sar o rat ando bakro kova tano čisto hem bizi mana 22 Akana ked očistinđen tumen odoleja so hijen poslušna e ćaćipase, pa šaj te mothoven iskreno phralikano mangipe, hor mangen jekh jekhe, celone vileja.