Otkrivenje

7 Palo odova dikhljum štar anđelija sar terđona ko štar krajevija andi phuv hem zorale ićerena štar e phuvjake bavlala, te na bi nijekh bavlal phudela ki phuv, ni ko more, ni ko bilo savo kaš. 2 Hem dikhljum jekhe avere anđele sar ukljela kotar istok hem akhari o pečati ando đivdo Devel. Ov vićinđa ko sa o glaso e štare anđelenđe kola dobinđe i vlast te ćeren lošnipe e phuvjaće hem e morese: 4 Hem šunđum o broj ando okola kola tane obeležime pečateja ­­– 144 000. On avena ando sa o izraelska plemenija: 9 Palo odova dikhljum baro mnoštvo ando manuša, kolen niko naštinđa te đenel, ando sa o narodija hem plemenija hem nacije hem ćhibja. On terdilje anglo presto hem anglo Bakro uravde ko parne fistanja, a ko vasta hine len e palmake grane. 10 Vićinđe bare glasoja: „O spasenje avela ando amaro Devel, kova bešela ko presto, hem ando Bakro!“ 14 Ko odova trenutko odgovorinđum lese: „Mo Gospode, tu đaneja odova.“ Hem phenđa maje: „On tane okola so avena andi bari nevolja. On thovđe pe bare fistanja hem parnjaćerđe len ko Bakreso rat. 15 Odolese tane anglo e Devleso presto hem služinena lese dive hem rat ko oleso hram. Hem okova kova bešela ko presto ka phravel poklo šatori upro olende. 16 On više na ka oven bokhale, ni trošale, o kham na ka tharel len, niti bilo savo baro tatipe, 17 sose o Bakro, kova tano uzo presto, ka ovel olengo pastiri hem ka legari len ko thana kotar avela o pani ando životi. Hem o Devel ka kosel svako asvi kotar olenge jaćha.