Dela apostolska

4 Đi putujinđe kotar diz ki diz, e phralenđe uduri vaćerđe o odluke kola anđe o apostolija hem o starešine ko Jerusalim hem podstakninđe len te ićeren pe ko odola odluke. 5 Ađahar o skupštine zorjaćerđe pe ki vera hem barilje ando dive ko dive. 6 Palo odova nakhlje kotar Frigija hem Galatija sose o sveti duh zabraninđa lenđe te propovedinen e Devleso lafi ki Azija. 7 Ked alje đi i Misija, manglje te đan ki Vitinija, ama e Isuseso duh na mukhlja len. 8 Odolese samo nakhlje andi Misija hem alje ki Troada. 9 Prekali rat, o Pavle ki vizija dikhlja jekhe Makedonco kova terdilo anglo leste hem molinđa le: „Ava ki Makedonija hem pomožin amen!“ 10 Palo odova so o Pavle hine le odija vizija, pođinđam ki Makedonija sose haljiljam so o Devel vićini amen te vaćera lenđe i šukar vest. 14 Ađahar šunđa hem jekh pobožno romni koja vićinđa pe Lidija, koja bikinđa purpur kotar i diz Tijatira. Oj šunđa odova so o Pavle vaćerđa, a o Jehova phravđa olako vilo te prihvatini olese lafija. 32 Tegani vaćerđe e Jehovaso lafi olese hem sarinenđe ko oleso ćher. 34 Palo odova anđa len ko po ćher hem dinđa len te han. Ov hem olese ćherutne but radujinđe pe sose prihvatinđe te verujinen ko Devel.