Psalam
42 Sar so o jelen rodela o potokija, hem me celone vileja rodava tut Devla. 2 Sar so e trošale manušese valjani pani ađahar hem maje valjani o đivdo Devel. Ked ka avav anglo Devel hem ka pojavinav man anglo leste? 3 O asva tane mo hajbe diveste hem raćate, a o manuša po celo dive marena maje muj hem phenena: „Kaj tano to Devel?“ 4 Tuće phravava mi duša ked setinava man sar angleder đeljum e narodoja. Phirava hine anglo lende hem đaja hine ko Devleso ćher, a o narodo kova slavinđa o praznik radujinđa pe hem slavinđa e Devle. 5 Sose hijum odobor razočarimo? Sose nane man mir ko vilo? Ka ađićerav e Devle. Ov tano mo Spasitelj hem ponodri ka hvalinav le. 8 Diveste o Jehova ka mothovi maje po verno mangipe, a me raćate ka đilabav olestar, ka molinav man e Devlese kova dela man životi. 11 Sose hijum odobor razočarimo? Sose nane man mir ko vilo? Ka ađićerav e Devle. Ov tano mo Spasitelj hem ponodri ka hvalinav le.