Psalam

112 Hvalinen o Jah! Bahtalo tano o manuš kova darala ando Jehova, kova ćaće uživini ko olese zapovestija. 2 Olese potomkija ka oven zorale ki phuv. I generacija ando čestita manuša ka ovel blagoslovimi. 3 Ko oleso ćher tano o barvalipe, a olesi pravednost aćhola zauvek. 4 Ov sijaini e čestito manušenđe sar svetlo ki tomnina. Ov tano samilosno, milosrdno hem pravedno. 5 Ka ovel šukar e manušese kova velikodušno dela ko zajam averenđe. Ov pe buća pravedno ćerela. 6 Niked na ka perel. O pravedno manuš niked na ka ovel bisterdo. 7 Na ka daral ando lošna vestija. Oleso vilo tano zoralo sose uzdajini pe upro Jehova. 8 Oleso vilo tano zoralo, ov na darala, ko krajo ka dikhel i propast ando pe dušmanija. 9 Ov velikodušno delini, dela e ćororenđe. Olesi pravednost aćhola zauvek. Ov ka ovel sa pozoralo hem sarine ka poštujinen le. 10 O lošno manuš ka dikhel odova hem ka holjani. Ka krcini dandencar hem ka našalđol. E lošnonenge želje na ka ispuninen pe.