Izlazak
4 Ađahar o Mojsije ćerđa duj ploče ando bara sar okola so hine prvo puti ćerde. Ov uštilo rano sabale hem đelo ki gora Sinaj, sar so o Jehova zapovedinđa lese, hem akharđa ko vasta duj ploče ando bara. 5 Tegani o Jehova huljilo ko oblako hem terdilo uzo leste. Hem o Jehova objavinđa lese po anav. 6 O Jehova nakhlja anglo leste vaćerindoj: „Jehova, Jehova, o Devel soj tano milosrdno hem samilosno, strpljivo, pherdo verno mangipaja hem ćaćipaja, 7 kova mothovi o verno mangipe e hiljadenđe, oprostini o prestupija, i krivica hem o grehija, ama okolen soj tane kriva na aćhavi bizi kazna, nego aso olenge prestupija kaznini olen hem olenge ćhaven, đi o trito hem o štarto naraštaj. 14 Ma klaninen tumen avere devlese, odolese so o Jehova rodela odanost ko sa. Ov tano Devel kova rodela odanost ko sa. 24 Ka durjaćerav odola narodija tutar hem ka ćerav ti phuv te ovel pana pobari. Niko na ka mangel te lel ti phuv ked trin putija ko berš ka đa anglo Jehova, to Devel.