Ponovljeni zakoni

4 „Šun, Izraele: O Jehova, amaro Devel, jekh tano Jehova. 5 Mang e Jehova, te Devle, celone vileja, celona dušaja hem celona snagaja. 6 Akala zapovestija kola avdije dava tuće ćhiv len ko to vilo. 7 Ćhiv len ko te ćhavengo vilo hem vaćer olendar ked bešeja ko to ćher hem ked phireja ko drumo, ked pašljoveja hem ked ušteja. 10 „Ked o Jehova, tumaro Devel, ka anel tumen ki phuv asi koja dinđa sovel tumare phurenđe e Avrahamese, e Isakese, hem e Jakovese so ka del la tumenđe – ki koja isi bare hem šuže dizja kola tumen na gradinđen, 11 ćhera pherde razno šuže bućencar aso kola tumen na ćerđen buti, bunarija kola na hanđen, vinogradija hem masline kola na sadinđen – hem ked ka han hem ka ćaljoven, 24 Palo odova, o Jehova zapovedinđa amenđe te ićera amen ko sa akala propisija. O Jehova, amaro Devel, zapovedinđa amenđe te dara olestar te bi uvek ovela amenđe šukar hem te bi aćhova đivde, sar soj tano odova avdije.