Psalam
18 Mangava tut Jehova, tu hijan mi snaga. 2 O Jehova tano mi stena, mi tvrđava hem okova kova spasini man. O Devel tano mi stena, koro leste garavava man. Ov tano mo štit hem okova kova spasini man, mo sigurno than kuri garavava man. 6 Ko mo pharipe vićinđum e Jehova, rovindoj rodinđum pomoć ando mo Devel. Ando po hram ov šunđa mo glaso, mo rojbe reslja đi olese kana. 10 Letinđa upro heruvimi, mukhlja pe ko anđelese phakha. 16 Ov dinđa man po vas upral, dolinđa man hem ikalđa man ando hor pani. 17 Izbavinđa man ando mo zoralo dušmani, ando okola so mrzinena man, kola hine pozorale mandar. 25 E verno manušeja postupineja verno, premalo besprekorno manuš hijan besprekorno. 29 Uzi ti pomoć šaj te borinav man e razbojnikonencar, ked pomožini man mo Devel hem ko zido šaj te ukljav. 30 O drumo ando pravo Devel tano savršeno, e Jehovaso lafi tano čisto. Ov tano štit sarinenđe kola koro leste rodena utočište. 32 O pravo Devel dela man but bari snaga, ov ka ćerel mo drumo te ovel ravno. 35 Tu deja man to štit ando spasenje, to desno vas podržini man, ti poniznost ćerela man te ovav baro. 39 Tu ka de man snaga asi borba, ka perave me dušmanen anglo mande. 46 Đivdo tano o Jehova! Nek ovel hvalimi mi Stena! Nek ovel uzvisimo o Devel, mo Spasitelj!