Isaija

2 E Jehovaso duho ka ovel upro leste. Odolese ov ka ovel mudro, but šukar ka haljol o buća, ka del šukar savet, ka ovel zoralo, ka đanel but buća hem but ka poštujini e Jehova. 3 Ov ka uživini ko strahopoštovanje premalo Jehova. Na ka sudini premalo odova so dikhela, ni na ka ukorini premalo odova so šunela. 4 Ov ka sudini pošteno e ćororenđe, pravedno ka ukorini e manušen ađahar so ka branini e krotkonen ki phuv. Ka khuvel i phuv pe lafencar sar ranikaja hem ka mudari e lošnonen pe lafencar. 6 O ruv ka ovel e bakreja, o leopard ka pašljol uzi tikni buzni, o telco hem o terno lav hem i životinja koja tani šukar parvardi zajedno ka oven, hem o tikno ćhavo ka vodini len. 7 I gurumni hem i mečka zajedno ka han, a olenge tikne ćhave zajedno ka pašljon. O lav ka hal pus sar guruv. 8 O ćhavoro kova pijela pe dajako thud ka ćhelel pese upri rupa kuri tani i kobra, o ćhavoro kova ćhinavđa te pijel pe dajako thud ka ćhivel po vas ki rupa kuri tano o otrovno sap. 9 O lošnipe na ka ćerel pe više, niti bilo savi šteta ki celo mikli sveto gora, sose i phuv ka ovel pherdi đandipaja ando Jehova, sar soj tano o more pherdo panjeja. 10 Odova dive e Jesejeso koren ka uštel sar znako aso ćedibe e narodonđe. Olestar o narodija ka roden savet hem oleso than aso odmor ka ovel slavno. 12 Ka vazdel jekh znako kova ka mothovi e manušenđe so valjani te ćeden pe hem ka ćedel e Izraelcen kola tane rasejime hem kotar štar krajija andi phuv ka ćedel e rasejime Judejcen.