Jevrejima

11 Odolese te da sa amendar te khuva ko odova odmor, te na bi niko pođini ko odova isto drumo andi neposlušnost. 12 Sose e Devleso lafi tano đivdo hem isi le bari moć, pooštro tano kotar svako dvoseklo mač hem đala đi odothe te razdvojini i duša hem o duh, o kokala hem i moždina, hem šaj te mothovi save tane o mislija hem o namere ando vilo. 14 Odolese so isi amen uzvišeno prvosvešteniko kova đelo ko nebo, o Isus, e Devleso Ćhavo, hem ponodri te mothova amari vera koro leste. 15 Sose amaro prvosveštenik tano neko ko na samo so šaj te haljol amare slabostija, nego tano iskušimo sar amende ko sa, ama na grešinđa. 16 Odolese, šaj te ava đi ko presto ando bizaslužimo šukaripe hem slobodno te vaćera te šaj o Devel te mothovi amenđe po milosrđe hem po bizaslužimo šukaripe ked valjani amenđe pomoć.