1. Solunjanima

2 Sar so šunđen, angleder odova ko Filipi doživinđam nevolja hem hijam le zlostavime, ama uzi pomoć ando amaro Devel dobinđam snaga te propovedina tumenđe e Devlesi šukar vest, iako doživinđam baro progonstvo. 4 U stvari, odolese so o Devel dikhlja upro amende sar dostojna te poverini amenđe i šukar vest, amen na vaćeraja te bi ugodinaja e manušenđe nego e Devlese, kova ispitini amare vile. 7 Naprotiv, hijam le kovle premalo tumende, sar daj koja parvari pe ćhaven hem brinini pe olendar. 8 Ađahar, pherde mangipaja premalo tumende, hijam le spremna te da tumen na samo i šukar vest ando Devel nego hem amaro životi, odolese so zamangljam tumen. 13 Odolese amen neprestano zahvalinaja e Devlese, sose ked šunđen e Devleso lafi amendar, na prihvatinđen le sar e manušeso lafi, nego sar e Devleso lafi, soj tano hem ćaće, hem kova delujini ano tumende kola verujinena. 19 Sose soj tani amari nada ja radost ja kruna sebepi koja ka ova ponosna anglo amaro Gospod Isus ko vreme andi olesi prisutnost? Zar na hijen tumen odola? 20 Tumen ćaće hijen amari slava hem radost.