Jevrejima
11 I vera tani zoralo pouzdanje so ka ovel odova ko so nadinaja amen, jasno dokaz ando odova soj tano ćaće, iako na dićhola. 4 Veraja o Avelj dinđa e Devlese povredno žrtva nego o Kain, hem sebepi odija vera o Devel potvrdinđa lese soj tano pravedno ađahar so prihvatinđa okova so dinđa lese. Sebepi pi vera, iako mulo, o Avelj pana vaćeri. 5 Veraja o Enoh hine legardo te na dikhel o meribe hem nigde naštine te arakhen le sose o Devel lelja le. A angleder so hine legardo, dobinđa svedočanstvo so ugodinđa e Devlese. 6 A bizi vera našti te ugodini pe e Devlese, sose svako ko mangela te ovel paše oleja mora te verujini so ov postojini hem so nagradini okolen kola revno rodena le. 7 Veraja o Noje – palo odova so o Devel upozorinđa le ko okova so pana na dikhlja pe – mothovđa so darala ando Devel hem ćerđa i arka te bi spasini pe porodica. Odola veraja osudinđa o sveto hem sebepi odija vera hine proglasimo sar pravedno. 8 Veraja o Avraham šunđa e Devle, ked ov vićinđa le, hem đelo ko than kova valjanđa te dobini sar nasledstvo, iako na đanđa kuri đala. 10 Sose ađićerđa i diz koja isi la prava temeljija, kaso graditelj hem stvoritelj tano o Devel. 11 Veraja i Sara aćhilji khamni, iako već nakhlja olako vreme te bijani, sose verujinđa soj tano verno okova kova dinđa o obećanje. 12 Odolese ando jekh manuš, kova hine but phuro te bi ovela le ćhave, ulo but baro narodo kova hine sar o ćerenja ko nebo hem kova naštine te đenel pe sar i pošik ki morsko obala. 13 Sare on đi o krajo ando po životi arakhlje pi vera iako na dobinđe okova so hine lenđe obećimo. Dikhlje odova dural hem radujinđe pe odolese hem phenđe soj tane strancija hem privremena stanovnikija ki phuv ki koja živinđe. 15 A ked bi razmislinena hine kotar phuv andi koja ikljilje, bi arakhena hine prilika te irinen pe uduri. 17 Odolese so hine le vera, o Avraham, ked o Devel iskušinđa le, samo so na dinđa e Isake. Ov, kova dobinđa o obećanja kolenđe radujinđa pe, hine spremno te del pe jedinobijande ćhave, 18 iako hine lese phendo: „O potomstvo kova tano tuće obećimo ka avel prekalo Isak.“ 19 Ama hine uverimo so o Devel šaj te vazdel e Isake ando mule, sose othar hem dobinđa le, hem odova mothovđa so ka ovel ki budućnost. 23 Veraja e Mojsijese roditeljija garavđe le trin masek palo odova so bijandilo, sose dikhlje so o ćhavo tano šužo hem na darandilje andi kraljesi zapovest. 24 Veraja o Mojsije, ked barilo, odbinđa te vićinen le ćhavo andi faraonesi ćhaj 25 hem odlučinđa te patini e Devlese narodoja, a na jekh vreme te uživini ko greh. 26 Odova ćerđa sose i lađ koja trpinđa sar pomazaniko dikhlja sar barvalipe kova tano pobaro ando egipatsko barvalipe, sose dikhlja ki nagrada koja ka dobini. 27 Veraja đelo ando Egipat – ama na ćerđa odova odolese so darandilo andi e kraljesi holi – nego aćhilo istrajno, samći dikhela Okole kova tano nevidljivo. 30 Sebepi i vera pelje o zidija ando Jerihon palo odova so o manuša efta dive đelje okolo lende. 31 Sebepi i vera i bludnica Rava mukhlja e uhoden ko po ćher hem sebepi odova na mulji okolencar kola na manglje te šunen e Devle. 32 Hem so pana te phenav? Ako počminđum te vaćerav ando Gedeon, Varak, Samson, Jeftaj, David, Samulio hem ando avera prorokija, na ka ovel man dovoljno vreme. 33 Sebepi pi vera on pobedinđe o kraljevstvija, ćerđe okova soj tano pravedno, dobinđe o obećanja, phanlje e lavengo muj, 34 hine ki jag, ama na ulo lenđe ništa, našlje ando mač, dobinđe snaga iako hine slaba, hine hrabra ko mariba, paldinđe e vojsken kola napadinđe len. 35 O romnja prekalo uskrsenje palem dobinđe pe mulen. A disave hine mučime sose odbinđe te oven oslobodime, sar bi dobinena pošukar uskrsenje. 40 sose o Devel amenđe manglja diso pošukar, te na oven on ćerde savršena angleder amende.