Danilo

2 O Jehova, o ćaćutno Devel, dinđa le ko vasta e Joakime, e kralje andi Juda, hem o deo ando pribor kotar po ćher, a ov odova pribor legarđa ki phuv Senar, ko pe devleso ćher, hem ćhivđa le ki riznica ando po devel. 4 Phenđa lese te oven terne ćhave bizi mana, šukar te izgledinen, te oven but mudra, đande hem razborita, kola bi šaj te služinen ko kraljeso dvoro. Poverinđa lese te sikavi len te čitinen hem te pisinen hem te sikavi len i haldejsko ćhib. 5 Uzo odova, o kralj odredinđa svako dive te han kotar birime habe kola o kralj halja hem te pijen kotar vino kova ov pilja. Hine odredimo trin berš te oven obučime te šaj palo odova te služinen e kraljese. 8 Ama, o Danilo ko po vilo odlučinđa so na ka meljaćeri pe e habnjaja kola o kralj halja niti e vinoja kova ov pilja. Odolese pućlja e glavno dvoranine te na lel odova habe hem odova vino te na meljaćeri pe. 12 „Molinava tut, mukh te slugen deš dive te han samo povrće hem te pijen pani. 20 Ked god o kralj hine le disavo pućibe ko kova šaj hine te odgovorini samo neko koj tano mudro hem razborito, ov bi dikhela so ko celo oleso kraljevstvo on tane deš putija pošukar ando sa o sveštenikija kola bavinena pe magijaja hem kotar sa okola so vićinena e duhon.