Rimljanima
2 Na primer, ako bi o Avraham sebepi pe delija ovela proglasimo sar pravedno, ovela le bi sova te hvalini pe, ama na anglo Devel. 3 Sose so pisini ko Lil? „O Avraham verujinđa e Jehovase hem ov sebepi odova dikhlja le sar pravedno.“ 4 Ked o manuš kova ćerela buti dobini i plata, oj nane poklon, već diso soj tano dužno te dobini. 5 Ama e manuše kova verujini ko Devel hem na oslonini pe ko odova so ćerela, o Devel dikhela sar pravedno sebepi olesi vera. Sose o Devel šaj e manuše kova tano grešno te dikhel sar pravedno. 6 Ađahar hem o David vaćeri ando bahtalipe kotar manuš kole o Devel dikhela sar pravedno, ama na sebepi olese delija: 7 „Bahtale tane okola kase lošna delija tane oprostime hem kase grehija tane ućharde. 8 Bahtalo tano o manuš kase grehija o Jehova na pamtini.“ 11 Hem priminđa o znak, o obrezanje, sar potvrda soj tano pravedno anglo Devlese jaćha sebepi i vera koja hine le đi pana na hine obrezimo. Ađahar ov ulo dad sarinenđe kola verujinena iako nane obrezime hem o Devel upro lende dikhela sar pravedna. 12 Ulo dad hem okolenđe kola tane obrezime, okolenđe kola na samo so ićerena pe ko obrezanje nego hem đana palo korakija ando amaro dad o Avraham, kova hine le vera pana đi na hine obrezimo. 17 (Sar soj tano pisimo: „Ćhivava tut te ove dad bute narodonđe.“) Odova hine anglo Devel, ko kova ov verujinđa hem kova vazdela e mulen hem vaćeri ando odova so pana na ulo samći već ulo. 18 Iako na hine sose te nadini pe, ipak hine le nada, hem odolese verujinđa so ka ovel dad ando but narodija, sar so hine phendo: „Odobor ka ovel toklo potomstvo.“ 19 Olesi vera na slabonđa, iako đanđa so našti više te ovel le ćhave, sose hine le oko 100 berš hem so i Sara na bi šaj te bijani. 20 Na sumnjinđa ni na našalđa pi vera ko e Devlese obećanja, nego i vera dinđa le snaga, hem proslavinđa e Devle 21 hem hine potpuno uverimo so ov šaj te ćerel odova so obećinđa. 23 Ama odova so upro leste „dikhlja sar pravedno“ na hine pisimo samo olese 24 nego hem amenđe upro kola ka dikhel pe sar pravedna, sose verujinaja ko okova kova uskrsninđa e Isuse, amare Gospode.