1. Samuilova

2 Ov hine le duj romnja. Jekh vićinđa pe Ana, a aver Fenina. I Fenina hine la ćhave, a i Ana na hine la. 6 Olake romesi dujto romni stalno marđa laće muj hem uznemirinđa la sebepi so o Jehova na dinđa la ćhave. 7 Ađahar ćerđa laće svako berš. Ked god bi i Ana đala hine ko e Jehovaso ćher, olake romesi dujto romni odobor marđa laće muj so oj runđa hem ništa na halja. 9 Palo odova so ko Silom halje hem pilje, i Ana uštilji hem đelji. A o sveštenik Ilije bešlja ki stolica kaj khuvela pe ko Jehovaso hram. 10 I Ana hine la bari dukh ko vilo hem počminđa rovindoj te molini pe e Jehovase. 11 Palo odova dinđa zavet: „Jehova tu so hijan upro vojske, ako ka dikhe ki nevolja andi ti sluškinja hem ka setine tut koro mande hem ako na bistreja te sluškinja hem ako ka de jekhe murše te sluškinjaće, me ka dav le tuće, Jehova, te služini tuće celo po životi hem ov niked na ka ćhinel pe bala.“ 12 Oj dugo molinđa pe e Jehovase, a o Ilije posmatrinđa olako muj. 15 A ko odova i Ana odgovorinđa lese: „Na hijum mati, gospodare, nego hijum but tužno. Na piljum ni mol niti dijekh aver alkoholno pijbe, nego phravava mi duša anglo Jehova. 17 Tegani o Ilije phenđa laće: „Đa hem ma brinin tut, hem e Izraeleso Devel nek šunel ti molitva.“ 18 Oj phenđa: „Nek ti sluškinja hem pana ponodri ovel ki tikli milost.“ Palo odova, oj đelji pe drumoja, halja hem na hine više tužno. 27 Molinđum man te bijanav akale tikne hem o Jehova odgovorinđa ki mi molitva.