Marko

9 Ko odola dive alo o Isus ando Nazaret ki Galileja hem o Jovan krstinđa le ko Jordan. 10 Čim ikljilo ando pani, dikhlja sar razdvojinena pe o nebesija hem sar o sveti duh, sar golubi, huljela upro leste. 11 Kotar nebo šundilo o glaso: „Tu hijan mo manglo Ćhavo, tu hijan pali mi volja!“ 12 Odmah palo odova, e Devleso duh ćhivđa le te đal ki pustinja. 13 Ađahar 40 dive aćhilo ki pustinja, kuri hine divlja životinje hem kuri o Beng iskušinđa le. Palo odova o anđelija alje hem dinđe le okova so valjanđa lese. 15 Vaćerđa: „Alo o vreme kova tano odredimo, paše tano e Devleso Kraljevstvo. Pokajinen tumen hem verujinen ki šukar vest.“ 18 On odmah aćhavđe o mreže hem đelje oleja. 19 Ked đelo hari podur, dikhlja e phralen, e Jakove hem e Jovane, e Zevedejese ćhaven, sar sivena pe mreže ko čamco. 20 Odmah vićinđa hem olen. On aćhavđe pe dade, e Zevedeje, ko čamco e radnikonencar hem pođinđe oleja. 33 Celo diz ćedinđa pe anglo udara. 34 Ađahar saćarđa buten kola hine len razna nabormipa hem fordinđa bute demonen, ama na dozvolinđa e demonenđe te vaćeren olestar, odolese so đanđe soj tano ov o Hrist. 35 Rano sabale, đi pana hine tomnina, uštilo, ikljilo avri hem đelo ko jekh pusto than hem uduri molinđa pe. 38 A ov phenđa lenđe: „Hajde te đa negde averthe, ko thana kola tane paše, te šaj hem odothe te propovedinav, sose odolese aljum.“ 40 Jekh manuš kova hine le guba alo koro leste hem ko koćija molinđa le: „Đanava so šaj te ćere man te ovav čisto ako odova mangeja.“ 41 Ov sažalinđa pe upro leste, pružinđa po vas, takinđa le hem phenđa lese: „Mangava. Ov čisto.“ 42 I guba odmah cidinđa pe olestar hem ov ulo čisto.