Matej

9 Tegani o Isus khuvđa ko čamco, đelo ki aver strana hem alo ki pi diz. 12 Ked ov šunđa len, phenđa: „Na valjani doktori e saste manušenđe, nego e nabormenđe. 13 Odolese, đan hem sikljoven so značini akava: ’Milosrđe mangava, a na žrtva.‘ Sose me na aljum te vićinav e pravedna manušen, nego okolen soj tane grešna.“ 35 O Isus počminđa te đal ko sa o dizja hem o gava, sikavđa e narodo ko olenge sinagoge, propovedinđa i šukar vest ando Kraljevstvo hem saćarđa sarinen kola hine naborme hem bizi snaga. 36 Ked dikhlja bute manušen, sažalinđa pe upro lende, sose hine mučime hem našalde sar o bakre bizo pastiri. 37 Tegani phenđa pe učenikonenđe: „I žetva tani bari, ama radnikija isi hari. 38 Odolese, molinen e Gospodare andi žetva te bićhali radnikonen ki pi žetva.