Luka

8 Hari palo odova o Isus đelo kotar diz ki diz hem kotar gav ko gav hem vaćerđa ando e Devleso Kraljevstvo. A oleja hine hem o dešuduj učenikija 3 I Jovana, i romni ando e Irodeso nadzornik Huza, i Susana hem but avera đuvlja. On koristinđe pi imovina te bi pomožinena lenđe. 15 A koro disave odova tano sar ked o seme perela ki šukar phuv. Odola tane okola kola isi len čisto hem šukar vilo. Ked šunena o lafi, on ićerena pe ko odova so šunena hem anena o plod đi istrajinena ko problemija. 40 Ked o Isus irinđa pe ki Galileja, o narodo vilestar priminđa le, sose sare ađićerđe le. 41 Tegani, alo jekh manuš kova vićinđa pe Jair hem kova hine starešina ki sinagoga. Ov pelo anglo e Isusese pre hem vilestar molinđa le te avel ko oleso ćher, 42 sose olesi ćhaj, i jedinka koja hine la oko 12 berš, samo so na mulji. Đi o Isus đelo uduri, but manuša gurinđe pe okolo leste. 43 Odothe hine hem jekh romni koja dešuduj berš patinđa ando krvarenje hem niko naštinđa te saćari la. 48 A ov phenđa laće: „Mi ćhaj, ti vera saćarđa tut. Nek ovel tut mir. 49 Đi pana vaćerđa, alo neko kotar ćher ando starešina andi sinagoga hem phenđa: „Ti ćhaj mulji, ma mučin više e Učitelje.“ 50 Ked o Isus šunđa odova, phenđa e Jairese: „Ma dara, samo verujin hem ka ovel spasimi!“ 51 Ked reslja ko odova ćher, nikas na mukhlja te khuvel oleja, samo e Petare, e Jovane hem e Jakove hem e ćhajake roditeljen. 52 Sare runđe palo late hem mothovđe kobor hine tužna sebepi so mulji. Tegani o Isus phenđa: „Ma roven, sose oj na mulji, nego sovela.“ 53 A on marđe lese muj, sose đanđe so i ćhaj mulji. 54 Ov dolinđa la kotar vas hem ko glaso phenđa laće: „Ćhaje, ušti!“ 55 I ćhaj irinđa pe ko životi hem odmah uštilji, a ov phenđa te den la diso te hal. 56 Olake roditeljija hine odobor bahtale so našti hine te verujinen so ulo, ama ov phenđa lenđe nikase te na vaćeren ando odova.