Isaija

35 Ka radujini pe i pustinja hem i šuki phuv, ka radujini pe i phuv koja tani pusto hem ka cvetoni sar o šafran. 2 Sa ka cvetoni, ka radujini pe hem ka veselini pe. Ka del pe laće i slava ando Livan o šužipe ando Karmil hem ando Saron. O manuša ka dikhen e Jehovasi slava, o šužipe ando amaro Devel. 5 Tegani e kororenge jaćha ka phravđon hem e kašukenge kana ka phravđon. 6 Tegani o sakato ka ripini sar jelen, i ćhib e lalorengi ka del vika kotar radost. Sose ki pustinja ka oven panja hem potokija ka oven ki pusto phuv. 7 Andi šuki phuv ka ovel jezero, andi trošali phuv ka oven izvorija ando pani. Ko thana kaj pašljilje o šakalija ka ovel zeleno ćar, trska hem papirus. 8 Uduri ka ovel buvlo drumo kova ka vićini pe Drumo andi svetost. Niko koj tano melalo na ka nakhel odothar, nego samo okola kola tane dostojna te đan odole drumoja. O nerazumna na ka đan ko odova drumo.