Matej

3 Alje o fariseja uzo leste hem sebepi so manglje te iskušinen le, pućlje le: „Da li o manuš ismini te razvodini pe andi pi romni ando bilo kova razlog?“ 4 Ov odgovorinđa lenđe: „Na čitinđen li so o Stvoritelj ko početak, ćerđa e murše hem e đuvlja 5 hem so phenđa: ’Odolese o manuš ka mukhel pe dade hem pe daja hem ka spojini pe pekle romnjaja hem on duj ka oven jekh telo‘. 6 Ađahar nane više duj, nego jekh telo. Odolese, so o Devel sastavinđa, o manuš te na ulavi. 7 A on pućlje le: „Sose tegani o Mojsije odredinđa so o rom šaj te del i potvrda aso razvod hem te razvodini pe olatar?“ 9 Phenava tumenđe, ko razvedini pe andi pi romni, osim sebepi o blud, hem ženini pe averaja, ćerela preljuba. 11 A ov vaćerđa lenđe:„Našti sare te živinen ađahar, nego samo okola kola isi len odova dar. 13 Tegani anđe lese e ćhaven, te ćhivel pe vasta upro lende hem te molini pe olenđe, ama o učenikija ukorinđe len sebepi odova. 14 Ama, o Isus phenđa: „Mukhen e ćhaven. Ma braninen lenđe te aven koro mande, sose asavkenđe pripadini o nebesko Kraljevstvo.“ 15 Hem ćhivđa pe vasta upro lende, pa đelo odothar. 16 Palo odova jekh manuš alo leste hem pućlja le: „Učitelju, kola šukar buća valjani te ćerav te dobinav o večno životi?“ 19 ’Poštujin te dade hem te daja‘ hem ’Mang te pašutne sar kokri tut‘.“ 21 O Isus odgovorinđa lese: „Ako mangeja te ove savršeno, đa hem bikin sa so isi tut hem de o pare e ćororenđe, hem ka ovel tut barvalipe ko nebo. Palo odova, ov mo učeniko.“ 24 Palem phenava tumenđe, polokho ka ovel i kamila te nakhel kotar e suvjaki rupa nego e barvalese te khuvel ko Devleso Kraljevstvo. 26 O Isus dikhlja len ko jaćha hem vaćerđa: „E manušenđe tano odova nemoguće, ama e Devlese tano sa moguće.“ 27 Tegani o Petar phenđa lese: „Amen sa aćhavđam hem pođinđam palo tute. So ka dobina odolese?