Rimljanima

12 Sebepi so o Devel mothovi tumenđe samilost, phraljalen, ando vilo molinava tumen, te den tumaro telo sar žrtva koja tani đivdi, sveto hem ugodno e Devlese, te koristinen tumari godi đi služinena olese. 2 Ma mukhen hem ponodri te oblikujini tumen akava sveto, nego meninen tumen ađahar so ka meninen tumaro način sar razmislinena, te uverinen tumen soj tani e Devlesi volja – soj tano šukar, prihvatljivo olese hem savršeno. 3 Sebepi o nezasluženo šukaripe kova tano maje mothovdo, phenava svakonese maškaro tumende te na mislini pestar pobuter nego so valjani, nego neka ko po razmišljanje ovela razumno, svako premali vera koja o Devel dinđa le. 4 Sose, sar so o telo isi le but delovija, a nane len sa isto uloga, 5 ađahar hem amen, iako hijam but, hijam jekh telo ko jekhipe e Hristeja, a sar pojedincija hijam delovija ando telo kola zavisinena jekh jekhestar. 9 Nek tumaro mangipe ovela iskreno. Mrzinen odova soj tano lošno, a ićeren tumen ko odova soj tano šukar. 10 Iskreno mangen jekh jekhe sar prava phralja. Oven prva ko odova te mothoven so poštujinena jekh jekhe. 11 Oven bućarne, a na mrzale. Nek o duh podstaknini tumen ki revnost. Robujinen e Jehovase. 12 Oven bahtale ki tumari nada. Izdržinen o pharipa. Istrajinen ki molitva. 13 Delinen okolencar soj tane sveta premalo olenge potrebe. Oven gostoljubiva. 15 Radujinen tumen okolencar kola radujinena pe, roven okolencar kola rovena. 16 Averendar mislinen ađahar sar so mislinena tumendar. Ma mislinen odobor but tumendar, nego nek privucini tumen odova soj tano ponizno. Ma mislinen tumendar so hijen razborita. 17 Nikase ma irinen lošnipe aso lošnipe. Ćeren okova so sa o manuša smatrinena soj tano šukar. 18 Ako šaj, kobor tano đi tumende, oven ko mir sa e manušencar. 19 Ma irinen o lošnipe, me mangle, nego mukhen e Devle te mothovi pi holi premalo okola so ćerena lošnipe, sose pisimo tano: „’Me ka irinav o lošnipe, me ka dav len odova so zaslužinena‘, vaćeri o Jehova.“ 20 Nego „ako to dušmani tano bokhalo, de le te hal, ako tano trošalo, de le te pijel, sose ako ćereja odova, ka ćhive ko oleso šero žaro.“ 21 Ma mukh te pobedini tut o lošnipe, nego uvek pobedin o lošnipe šukaripaja.