Rimljanima

13 Svako manuš nek ovel podložno e vlastenđe soj tane upreder oleste, sose nane vlast koja nane ando Devel. Svako vlast koja postojini o Devel ćhivđa la ko olako than. 4 Sose oj tani e Devleso sluga aso to šukaripe. Ama ako ćereja odova soj tano lošno, valjani te dara,odolese so na akhari o mač bizo razlog. Oj tani e Devleso sluga, osvetniko kova mothovi olesi holi upro okola kola ćerena lošnipe. 5 Odolese valjani te oven podložna, na samo sose o Devel ka holjani nego hem sebepi tumari savest. 6 Odolese hem platinena o porez. Sose o vlastija tane e Devlese sluge hem ćerena odova soj tane dužna te ćeren. 7 Svakonese den odova soj tano oleso: ko rodela porez – porez, ko rodela danak – danak, ko rodela dar – dar, ko rodela čast – čast. 9 Sose o zapovestija ando zakon – „ma ćer preljuba“, „ma mudar“, „ma ćor“, „ma mang“ hem sa avera zapovestija – arakhena pe ko akala lafija: „Mang te pašutne sar kokri tut.“ 13 Te živina pristojno sar ked tano dive, bizo neobuzdana zabave, bizo pijanke, bizo nemoralna hem avera delija kola ćerena pe bizi lađ, bizi svađa hem ljubomora.