Isaija

11 Tumen hijen narodo kova aćhavi e Jehova, kova bistrela mi sveto gora, kova ćhivela i sofra e devlese andi sreća hem kova ćhorela vino e devlese andi sudbina. 13 Odolese ađahar vaćeri o Svevišnjo Gospod Jehova: „Aće, me sluge ka han, a tumen ka oven bokhale. Me sluge ka pijen, a tumen ka oven trošale. Me sluge ka radujinen pe, a tumen ka lađan. 14 Aće, me sluge ka oven but radosna ko po vilo, a tumen ka pištinen sebepi o dukha ko vilo hem but ka roven odolese so tumaro duho ka ovel phago. 16 Odolese svako ko ka rodel blagoslov, ka dobini blagoslov ando ćaćutno Devel, hem svako ko ka hal sovel, ka hal sovel ko anav kotar o ćaćutno Devel. Sose o pharipa kola hine ka bistren pe, hem ka oven garavde kotar me jaćha. 17 „Sose, aće, me ćerava nevo nebo hem nevi phuv. Okova so hine angleder na ka avel ki godi, niti ka pojavini pe ko vilo. 18 Odolese radujinen tumen hem veselinen tumen sebepi odova so stvorinava. Sose, aće, ka ćerav o Jerusalim te ovel razlog aso veselje hem oleso narodo razlog asi radost. 19 Ka veselinav man sebepi o Jerusalim hem ka radujinav man sebepi mo narodo, koro leste više na ka šunel pe sar neko rovela ja rodela pomoć.“ 20 Uduri više na ka ovel ćhavoro kova bi palo bijanibe živini samo nekobor dive niti phuro kova na ka živini sa pe berša. Čak hem ako neko merela ko šel berš, upro leste ka dikhel pe sar ćhavoro, a e grešnikose ka del pe arman čak hem ako ovela le šel berš. 21 On ka ćeren ćhera hem ka bešen ano lende, ka sadinen o drakha hem ka han olengo plod. 22 On na ka gradinen ćhera, a neko aver odothe te bešel, na ka sadinen, a neko aver te hal o rod. Sose o dive me narodose ka oven sar o dive ando kaš, hem me izabranikija ka uživinen ko sa so ćerena pe vastencar. 23 Na ka ćeren phari buti badijava ni na ka bijanen ćhaven kola ka ovel len pharipe, sose on tane o potomstvo kova o Jehova blagoslovinđa, on hem olenge potomkija. 24 Angleder te vićinen man, me ka odgovorinav olenđe. Đi pana vaćerena, me ka šunav len. 25 „O ruv hem o bakro zajedno ka han, o lav ka hal pus sar o guruv, a o sap ka hal praho. O lošnipe više na ka ćerel pe, ni na ka ćerel pe šteta ki celo mikli sveto gora“, phenela o Jehova.