Rimljanima

7 Sarinenđe kas o Devel mangela, a kola tane ko Rim, hem kola tane vićime te oven sveta: Nek ovel tumen o bizaslužimo šukaripe hem mir kotar o Devel, amaro Dad, hem kotar amaro Gospod o Isus Hrist. 9 Sose o Devel, kase služinava celone vileja ađahar so propovedinava i šukar vest ando oleso Ćhavo, tano mo svedoko so uvek pominava tumen ko me molitve, 11 Sose jedva ađićerava te dikhav tumen, te šaj te dav tumen disavo duhovno dar te šaj te oven pana pozorale, 12 avere lafencar, zajedno te ohrabrina amen, me tumare veraja, a tumen me veraja. 15 Odolese but mangava hem tumenđe ko Rim te vaćerav i šukar vest. 16 Na lađava andi šukar vest, sose prekalo late o Devel mothovi pi sila, koja anela spasenje svakonese ko verujini, najangleder e Judejcose, a palo odova e Grkose. 17 Sose okola kola isi len vera dikhena so prekali šukar vest mothovi pe e Devlesi pravednost hem odova zorjaćeri olengi vera, sar soj tano pisimo: „A o pravedniko ka živini sebepi i vera.“ 20 Sose iako našti te dikha e Devle, prekalo buća kola stvorinđa, pana kotar vreme ked ćerđa i phuv, o manuša šaj te dikhen so ov isi le moć hem so ov tano jedino pravo Devel. Odolese, odola manuša nane len izgovor. 24 Odolese o Devel mukhlja len te postupinen premalo o melale želje ando po vilo hem ađahar te lađaćerena po telo. 25 E Devleso ćaćipe zameninđe e hovajbaja hem klaninđe pe hem služinđe odolese soj tano ćerdo, a na okolese kova sa ćerđa, kova zaslužini te hvalina le zauvek. Amin. 28 Hem pošto na manglje šukar te penđaren e Devle, o Devel muklja te vodini len o razmišljanje kova ov na odobrini hem te ćeren o buća kola nane pristojna.