Poslovice

15 O gudlo lafi smirini i holi, a o grubo lafi ćerela i holi te ovel pana pobari. 3 E Jehovase jaćha tane ko svako than, dikhena hem e lošno manuše hem e šukar manuše. 8 I žrtva ando lošna tani odvratno e Jehovase, a i molitva ando čestita manuša tani olese ugodno. 9 E Jehovase tano odvratno o drumo ando lošno manuš, a mangela okole kova đala pali pravednost. 11 Ni o grobo ni o than kuri sa ćirnjola nane garavde ando e Jehovase jaćha, pa ni e manušeso vilo! 15 Okolese kova isi le pharipa, svako dive tano lošno, a koj tano bahtalo ko po vilo, uvek tano ki gozba. 17 Pošukar tano o habe ando povrće kaj o manuša mangena pe, nego o habe ando najšužo mas kaj o manuša mrzinena pe. 18 O holjamo manuš ćerela svađa, a o strpljivo manuš, smirini i svađa. 22 O planija propadinena ked nane dogovor, a uspinena ked isi but savetnikija. 23 O manuš radujini pe ked mudro odgovorini. Kobor tano šukar o lafi vaćerdo ko pravo vreme. 28 E pravednikoso vilo razmislini angleder diso te phenel, a ando lošnonengo muj ikljola o lošnipe. 30 O sjaj ko jaćha radujini o vilo hem i šukar vest dela snaga. 31 O ukor šaj te spasini o životi. O manuš kova šunela le ka ovel mudro.