Jakovljeva

1 O Jakov, e Devleso hem e Isuseso robo, pozdravini 12 plemenija kola tane ko celo sveto. 2 Phraljalen, radujinen tumen ked hijen ko razna kušnje, 3 odolese so đanena so tumari vera, ked tani ađahar ispitimi, ćerela te oven istrajna. 4 Ama mukhen i istrajnost te ćerel pi buti, te šaj te oven savršena hem potpuna, bizi mana. 5 Ako nekase tumendar nedostajini mudrost, nek rodel ando Devel hem ov ka del le. Sose o Devel sarinenđe dela velikodušno hem bizo te rodel o greške. 6 Ama nek rodel veraja, hem nek ni najhari na sumnjini, sose okova kova sumnjini tano sar o morsko talas kas i bavlal vazdela hem legari. 7 Asavko manuš ma te mislini so ka dobini nešto ando Jehova, 12 Bahtalo tano o manuš kova istrajini ki kušnja, sose ked ka nakhel i kušnja, ka primini i nagrada – o đivdipe kova o Jehova obećinđa okolenđe kola mangena le. 13 Ked tano neko ki kušnja, ma te phenel: „O Devel iskušini man.“ Sose niko našti te iskušini e Devle e lošno bućencar, a ni ov nikas na iskušini e lošnipaja. 14 Ama svakone iskušini olesi želja ađahar so cidela le hem hovavi le. 15 Hem tegani ked tani i želja začeto, bijani o greh, a o greh, ked ćerela pe, anela o meribe. 17 Svako šukar hem savršeno poklon avela upral, sose avela kotar Dad andi nebesko svetlost, a ov na menjini pe, nane sar i senka koja našalđola. 19 Đanen akava, me mangle phralja: Svako nek ovel sigutno te šunel, a pohari te vaćeri hem pohari te holjani, 20 sose e manušesi holi na legari đi e Devlesi pravednost. 21 Odolese forden tumendar sa o melelipe hem sa o lošnipe. Oven blaga đi prihvatinena ano tumende te sadini pe e Devleso lafi, kova šaj te spasini tumen. 22 Ama ma samo šunen o lafi, već hem ćeren odova so šunđen, te na hovaven kokri tumen. 23 Sose ako neko šunela o lafi, ama na ćerela odova so šunđa, ov tano sar o manuš kova dikhela po muj ko ogledalo, 24 ama palo odova, đala hem odmah bistrela sar izgledini. 25 Ama, okova so dela sa pestar te haljol o savršeno zakon andi sloboda hem te ićeri pe ko odova zakon, na bistrela odova so šunđa već ćerela odova. O manuš kova ćerela ađahar ka ovel bahtalo. 26 Ako neko mislini so služini e Devlese, a na pazini ki pi ćhib, ov hovavi po vilo hem odova so ćerela e Devlese ništa na vredini. 27 Te služina amare Devlese hem Dadese ko način kova ov mislini soj tano čisto hem kova nane melalo značini akava: te brinine tut aso ćhave bizo roditeljija hem aso udovice ki olengi nevolja hem te arakhe tut ando melalipe kotar akava sveto.