Kološanima

5 Odolese, ciden sa o želje ando tumaro telo: o blud, o melalipe, i nekontrolisimi polno požuda, o lošna želje hem o lakomstvo kova tano idolopoklonstvo. 8 Ama akana ciden tumendar sa akava: i holi, o gnev, o lošnipe, o pogrdno vaćeribe, a o bezobrazna lafija ma te ikljon ando tumaro muj. 9 Ma hovaven jekh jekhe. Huljaven i purani ličnost hem olake delija, 10 a uraven i nevi ličnost, koja tani ćerdi premali e Devlesi slika. Odolese, đi sa pošukar penđarena e Devle, nastavinen te obnovinen la. 11 Odothe više nane ni Grko ni Judejco, ni okova kova tano obrezimo ni okova kova nane obrezimo, ni stranco, ni Skiti, ni robo, ni slobodno manuš, odolese so o Hrist tano sa hem ano sare. 12 Odolese, sar okola kas o Devel birinđa, sveta hem mangle, uraven tumen ki najhor samilost, ko šukaripe, ki poniznost, ki blagost hem ko strpljenje. 13 Podnosinen jekh jekhe hem ando vilo oprostinen jekh jekhese, čak hem ked neko uvredini tumen. Sar so o Jehova ando vilo oprostinđa tumenđe, ađahar ćeren hem tumen. 14 A uzo odova, uraven tumen ko mangipe, sose o mangipe ćerela e manušen te oven ko jekhipe. 15 Hem nek e Hristeso mir vladini ko tumaro vilo, ko mir ko kova hijen vićime ko jekh telo. Hem oven zahvalna. 16 Nek e Hristeso lafi potpuno delujini koro tumende hem nek ćerel tumen te oven mudra. Sikaven hem zorjaćeren jekh jekhe e lafencar ando psalmija, e đilencar kolencar hvalinena e Devle hem e duhovno đilencar kolencar mothovena kobor hijen zahvalna olese. Đilaben e Jehovase ando vilo. 19 Romalen, mangen tumare romnjen hem ma holjanen upro lende. 20 Ćhavalen, šunen tumare roditeljen ko sa, sose ađahar ka ćeren sa so o Gospod mangela. 21 Dadalen, ma holjanćeren tumare ćhaven, te na obeshrabrinen pe. 23 So god te ćeren, ćeren odova celone vileja sar e Jehovase, a na sar e manušenđe 24 sose đanena so kotar Jehova ka dobinen o nasledstvo sar nagrada. Robujinen e Gospodarese, e Hristese.