2. Timoteju
2 Odova so šunđan mandar hem so potvrdinđe but svedokija de aso pouzdana manuša kola ađahar ka oven osposobime te sikaven averen. 3 Sar šukar vojniko ando Hrist Isus, hem tu ov spremno te trpine o pharipa. 4 Nijekh vojniko nane posvetimo odolese te zaradini but pare, sebepi so mangela te ćerel i volja okolesi kova ljelja le te ovel oleso vojniko . 10 Odolese sa trpinava sebepi o izabrana, te bi hem on ovena spasime prekalo Hrist Isus hem te bi dobinen večno slava. 12 Ako istrajinaja, oleja ka vladina sar kraljija. Ako odrekninaja amen olestar hem ov ka odreknini pe amendar. 13 Ako na hijam lese verna, ov hem ponodri aćhola verno, sose našti te odreknini pe kokri pestar. 15 De sa tutar te ovel tut e Devleso priznanje, te ove radniko kova nane le sostar te lađal, kova ispravno ka sikavi hem ka objasnini o lafi ando ćaćipe. 16 Cide tut ando razgovorija kola ništa na vredinena, kola meljaćerena okova soj tano sveto, sose on sa pobuter cidena amen ando Devel 19 Ama, e Devleso zoralo temelji ačhola, hem upro leste tano akava pečati: „O Jehova penđari okolen soj tane olese“ hem: „Sare kola vičinena e Jehovaso nav mora te mukhen o nepravedna buča.“ 20 Ko jekh baro ćher nane samo zlatna hem srebrna ćare nego hem kaštunale hem phuvjale. Jekh olendar tane asi časno upotreba, a avera tane asi nečasno. 21 Ako neko cidela pe okolendar soj tane asi nečasno upotreba, ka ovel ćaro asi časno upotreba, posvetimo, korisno pe vlasnikose hem spremno aso svako šukar delo. 22 Naš ando ternikane želje, a rode i pravednost, i vera, o mangipe hem o mir, zajedno okolencar kola verujinena ko Gospod hem isi len čisto vilo. 23 Cide tut kotar glupava hem besmislena rasprave, sose đaneja so on legarena đi o kavge. 24 E Gospodeso robo na ismini te svađini pe, nego valjani te ovel blago premalo sarinende, sposobno te sikavi, strpljivo te podnosini i nepravda 25 hem te ovel blago đi sikavi okolen soj tane buntovna. Šaj o Devel ka del len te pokajinen pe hem šukar te penđaren o ćaćipe, 26 te urazuminen pe hem te našen andi Bengesi zamka, sose ka haljon so đivde astarđa len so ćerena odova soj tano palo olesi volja.