1. Korinćanima

3 sose pana hijen telesna. Sose đi maškaro tumende isi ljubomora hem svađe, na hijen li telesna hem na postupinena li sar hem avera manuša? 4 Sose, ked jekh vaćeri: „Me hijum e Pavleso“, a aver: „Me hijum e Apoloso“, na ćerena li isto sar sa avera manuša? 6 Me sadinđum, o Apolo vadinđa, ama o Devel dinđa te barjol. 7 Odolese nane zaslužno ni okova kova sadini, ni okova kova vadini, nego o Devel kova dela te barjol. 8 Okova kova sadini hem okova kova vadini isi len isto cilj, ama svako ka dobini pi nagrada premalo po trud. 9 Sose amen hijam e Devlese saradnikija, a tumen hijen e Devlesi njiva, e Devlesi građevina. 18 Niko te na hovavi kokri pes. Ako neko maškaro tumende mislini soj tano mudro ko akava sveto, neka ovel dilino te šaj te ovel mudro. 19 Odolese so akale svetosi mudrost tani dilinipe anglo Devel. Pisimo tano: „Ov astari e đanden ko olengo hovajbe.“ 20 Hem pana: „O Jehova đanela soj tane o razmisliba ando mudra manuša isprazna.“