Jevrejima

6 Odolese akana, sose već prihvatinđam o osnovna sikljoviba ando Hrist, te napredujina premali zrelost, a na palem te ćhiva o nevo temelji – o pokajanje sebepi o mule delija, i vera ko Devel, 2 o sikljovibe ando averćhane krštenja, ando odova te ćhiven pe o vasta, ando uskrsenje kotar o mule hem ando večno sudo. 9 Iako akava vaćeraja tumenđe, amare mangle, uverime hijam so tumen đana pošukar drumoja kova legari đi o spasenje. 10 Sose o Devel nane nepravedno te bistrel odova so ćerđen hem o mangipe kova mothovđen premalo oleso anav, ađahar so služinđen okolenđe kola tane sveta hem so pana služinena lenđe. 11 Ama mangaja svako tumendar te aćhol marljivo sar so hine ko početko, te bi sa đi o krajo ovena potpuno sigurna so tumari nada ka ispunini pe. 12 Na mangaja te oven mrzale, nego te oponašinen okolen kola sebepi pi vera hem po strpljenje dobinena okova soj tano obećimo. 15 Hem ađahar o Avraham palo odova so mothovđa strpljenje, dobinđa odova obećanje. 18 Odova ćerđa te bi odola duj nepromenjena buća, ko kola nane moguće o Devel te hovavi, ulje amenđe, kola arakhljam utočište ko Devel, baro ohrabrenje te ićera amen ki nada koja dobinđam. 19 Odija nada tani amenđe sar jekh sigurno hem zoralo sidro andi duša. Oj ćhivela amen pali zavesa.