Luka

11 Sigate palo odova, đelo ki diz koja vićini pe Nain, a oleja đelje hem olese učenikija hem but manuša. 12 Ked alo paše uzo dizjake udara, dikhlja sar ikalena jekhe mule ćhave, kova hine jekha udovicako jedinco. Olaja hine hem but manuša andi diz. 13 Ked dikhlja la o Gospod, sažalinđa pe upro late hem phenđa laće: „Ma rov.“ 14 Tegani alo paše hem pipinđa o nosila. Okola so akharđe len terdilje, a ov phenđa: „Ćhaveja, tuće phenava, ušti!“ 15 Tegani o ćhavo bešlja hem počminđa te vaćeri, a o Isus dinđa le olese dajaće. 19 Odolese o Jovan vićinđa duje pekle učenikonen hem bićhalđa len ko Gospod te pućen le: „Da li tu hijan okova so valjani te avel ja te ađićera avere?“ 22 Odolese odgovorinđa odole dujenđe: „Đan, javinen e Jovanese so dikhljen hem so šunđen: O korore dikhena, o sakatija phirena, o gubava čistinena pe, o kašuke šunena, o mule uštena hem e ćororenđe vaćeri pe i šukar vest. 35 Ama, i mudrost opravdinena sa olake delija.“ 48 Palo odova phenđa e romnjaće: „Oprostime tane te grehija.“