Galatima

6 Phraljalen, ako neko pođini ko pogrešno drumo, a nane svesno odolestar, tumen kola hijen duhovno zrela, oven blaga đi pomožinena lese te irini pe ko pravo drumo. Ama pazinen upro tumende, te na peren hem tumen ko iskušenje. 2 Akharen jekh jekheso pharipe hem ađahar ka ispuninen e Hristeso zakon. 3 Sose ako neko mislini soj tano diso, a u stvari nane ništa, hovavi kokri pes. 4 Ama nek svako razmislini ando odova so ćerela hem tegani ka ovel le razlog te ovel bahtalo sebepi odova so ćerela, a na sose uporedini pe averencar. 5 Sose svako ka akhari po pharipe. 7 Ma hovaven kokri tumen: E Devlese našti te mara muj. So o manuš sejini, odova hem ka ćedel. 8 Ko sejini ko poklo telo, ando telo ka ćedel i propast, a ko sejini ko duho ando duho ka ćedel o večno đivdipe. 9 Odolese ma te ćhinava te ćera odova soj tano šukar, sebepi so ako na ćhinđovaja, ka ćeda odova so sejinđam ked ka avel o vreme. 10 Odolese, đi isi amen prilika, te ćera šukaripe sarinenđe, a posebno amare phralenđe ki vera. 16 Nek ovel len mir sare kola živinena premalo akava načelo hem o Devel nek mothovi lenđe milosrđe. On tane o Izrael e Devleso.