1. Jovanova

3 Dikhen savo mangipe mothovđa amenđe o Dad! Phenđa amenđe so hijam olese ćhave, a amen odova hem hijam. Odolese o sveto na penđari amen, sose na penđari ole. 2 Me mangle, akana hijam e Devlese ćhave, ama pana nane amenđe mothovdo so ka ova. Ipak, đanaja so, ked ov ka mothovi pe, ka ova sar oleste, sose amen ćaće ka dikha le. 8 Ko ćerela greh, avela ando Beng, sose o Beng grešini ando početko. Odolese e Devleso Ćhavo alo, te uništini e Bengese delija. 10 E Devlese ćhave hem e Bengese ćhave penđarena pe palo akava: okova kova na ćerela odova soj tano pravedno, na avela ando Devel, sar ni okova so na mangela pe phrale. 11 Sose pana ko početko šunđen i zapovest so valjani te manga jekh jekhe. 12 Ma te ova sar o Kain, kova alo ando Lošno hem mudarđa pe phrale. A sose mudarđa le? Sose olese delija hine lošna, a o delija ando oleso phral hine pravedna. 15 Ko god mrzini pe phrale, ov tano ubica, a tumen đanena so nijekh ubica našti večno te živini. 16 Haljiljam soj tano mangipe odolese so ov dinđa po životi amenđe. Hem amen hijam dužna te da amaro životi aso amare phralja. 17 Ako neko isi le dovoljno materijalna sredstvija aso životi hem dikhela so oleso phral nane le, a ipak na smilujini pe olese, sar šaj te phenel so mangela e Devle? 18 Ćhavalen, ma te manga samo lafencar hem ćhibjaja nego deloncar hem ćaćipaja. 19 Premalo odova ka đana so hijam ki strana ando ćaćipe hem ka uverina amaro vilo so o Devel mangela amen, 20 ked amaro vilo osudini amen sebepi diso, sose o Devel tano pobaro ando amaro vilo hem đanela sa. 23 A akija tani olesi zapovest: te verujina ko oleso Ćhavo o Isus Hrist hem te manga jekh jekhe, sar so zapovedinđa amenđe.