Dela apostolska
15 Disave manuša andi Judeja alje ki Antiohija hem počminđe te sikaven e phralen: „Ako na obrezinena tumen premalo Mojsijeso zakon, našti te spasinen tumen.“ 2 O Pavle hem o Varnava na složinđe pe odoleja hem počminđa bari kavga. Odolese o phralja phenđe o Pavle hem o Varnava hem pana disave olendar te đan ko apostolija hem ko starešine ko Jerusalim sebepi odova problemi. 6 O apostolija hem o starešine ćedinđe pe te vačeren ando odova pućibe. 12 Tegani sa okola so hine odothe ulje tiha hem šunđe e Varnava hem e Pavle đi vaćerđe ando but znakija hem čudija kola o Devel prekalo lende ćerđa maškaro manuša ando avera narodija. 13 Ked on završinđe, o Jakov phenđa: „Phraljalen, šunen man. 14 O Simeon detaljno vaćerđa sar o Devel prvo puti obratinđa pažnja upro manuša ando avera narodija te šaj olendar te stvorini narodo kova ka akhari oleso anav. 15 Odova tano premalo odova so pisini ko Prorokija: 16 ’Palo odova ka irinav man hem palem ka ćerav e Davidesi senica koja pelji. Ka obnovinav olake ruševine hem palem ka vazdav la, 17 te šaj o manuša kola ka aćhon, celone vileja te roden e Jehova, zajedno e manušencar ando sa o narodija, okolencar so akharena mo anav, phenela o Jehova, kova ćerela sa odova, 18 soj tano penđardo pana kotar purano vreme. 22 Tegani o apostolija hem o starešine, zajedno e skupštinaja, odlučinđe maškaro peste te birinen disave manušen hem te bićhalen len e Pavleja hem e Varnavaja ki Antiohija. Birinđe e Juda kova hine vićimo Varsava hem e Sila, kola hine len odgovornostija maškaro phralja. 23 Palo lende bićhalđe akava lil: „O apostolija hem o starešine, tumare phralja, pozdravinena tumen, e phralen ando avera narodija ki Antiohija, ki Sirija hem ki Kilikija. 24 Šunđam so disave amendar, kolenđe na dinđam nisave uputstvija, uznemirinđe tumen odoleja so phenđe hem so manglje te peraven tumen. 25 Odolese sare odlučinđam te birina e manušen kolen ka bićhala amare mangle phralencar, e Varnavaja hem e Pavleja, 26 kola hine spremna po životi te rizikujinen aso amare Gospodeso, e Isuse Hristeso anav. 27 Bićhalaja tumenđe e Juda hem e Sila hem on te phenen tumenđe isto odova. 28 Sose o sveti duh hem amen odlučinđam te na ćhiva upro tumende nisavo aver pharipe, osim akava so valjani: 29 te ciden tumen ando buća kola tane dinde sar žrtva e idolenđe, ando rat, ando mas kotar tasavde životinje hem ando blud. Ako arakhena tumen ando sa akava, ka ovel tumenđe šukar. Aćhoven saste!“ 30 Tegani on pozdravinđe pe olencar hem đelje ki Antiohija. Odothe ćedinđe e phralen hem dinđe len o lil. 31 A ked čitinđe o lil, on ohrabrinđe pe hem hine bahtale. 35 O Pavle hem o Varnava aćhilje ki Antiohija, kaj sikavđe e narodo hem zajedno bute averencar vaćerđe i šukar vest ando e Jehovaso lafi. 36 Palo disavo vreme o Pavle vaćerđa e Varnavase: „Mora te irina amen hem te posetina e phralen ki svako diz kuri vaćerđam e Jehovaso lafi, te dikha sar tane. “ 39 Tegani but svađinđe pe hem razdvojinđe pe. O Varnava lelja peja e Marko hem đelo ko Kipar, 41 Nakhlja andi Sirija hem Kilikija hem zorjaćerđa o skupštine.