Jakovljeva

3 A hem ked rodena, na dobinena, sose rodena andi lošno namera te šaj te zadovoljinen tumare sebična želje. 4 Preljubnikija, zar na đanena so o amalipe e svetoja tano neprijateljstvo e Devleja? Odolese, ko god mangela te ovel amal e svetoja, ovela e Devleso neprijatelj. 5 Mislinena li so o Lil bizo razlog phenela: „O duh andi zavist kova tano ano amende stalno diso mangela“? 6 Ama, o nezasluženo šukaripe kova o Devel dela pobaro tano andi amari zavist. Odolese ko Lil pisini: „O Devel suprotstavini pe okolenđe kola tane ohola, a po nezasluženo šukaripe mothovi okolenđe kola tane ponizna .“ 7 Odolese, oven podložna e Devlese, a suprotstavinen tumen e Bengese, hem ov ka našel tumendar. 8 Oven paše e Devleja, hem ov ka ovel paše tumencar. Očistinen tumare vasta, tumen so hijen grešna, hem pročistinen tumaro vilo, tumen so hijen neodlučna. 11 Phralaljen, ma vaćeren više jekh protiv jekhestar. Okova so vaćeri protiv po phral ili osudini pe phralje, vaćeri protiv o zakon hem osudini o zakon. A ako osudineja o zakon, tegani hijan oleso sudija, a na okova kova ićeri le. 12 Isi samo jekh kova dela o zakonija hem jekh Sudija, okova kova šaj te spasini hem te mudari. A ko hijan tu te osudine te pašutne? 14 a na đanena savo životi ka ovel tumen tajsa. Sose hijen sar i magla koja kratko pojavini pe, a palo odova našalđola. 15 Valjani te phenen: „Ako ka ovel e Jehovasi volja, ka živina hem ka ćera akava ili okova.“