1. Jovanova

4 Me mangle, ma verujinen ki svako izjava koja navodno avela ando Devel, nego ispitinen da li asavke izjave avena ando Devel, sose but hovavne prorokija pojavinđe pe ko sveto. 4 Tumen avena ando Devel, ćhavalen, hem pobedinđen odole manušen, sose okova kova tano uzo tumende pobaro ando okova soj tano uzo sveto. 6 Amen avaja ando Devel. Ko penđari e Devle, šunela amen, ko na avela ando Devel, na šunela amen. Palo odova penđaraja da li tani disavi izjava nadahnuto ćaćipaja ja hovajbaja. 7 Mangle phraljalen hem phenjalen, te manga jekh jekhe, sose o mangipe avela ando Devel, hem svako ko mangela bijando tano ando Devel hem penđari e Devle. 8 Ko na mangela, na upoznajinđa e Devle, sose o Devel tano mangipe. 9 O Devel mothovđa mangipe premalo amende ađahar so bićhalđa pe jedinobijande Ćhave ki phuv te bi prekalo leste dobinaja životi. 10 Odova mangipe značini akava: na mangljam amen e Devle, nego ov manglja amen hem bićhalđa pe Ćhave sar žrtva ando pomirenje aso amare grehija. 11 Me mangle, ako o Devel ađahar manglja amen, tegani hem amen hijam dužna te manga jekh jekhe. 14 A amen dikhljam hem vaćeraja so o Dad bićhalđa pe Ćhave te spasini o sveto. 16 Hem kokri penđarđam o mangipe kova o Devel isi le premalo amende hem uverime hijam ano leste. O Devel tano mangipe, hem ko stalno mothovi mangipe, aćhola ko jekhipe e Devleja hem o Devel aćhola ko jekhipe oleja. 19 A amen mangaja, sose ov prvo manglja amen. 20 Ako neko phenela: „Me mangava e Devle“, a mrzini pe phrale, hovavno tano. Sose ako neko na mangela pe phrale, kas dikhela, našti te mangel e Devle, kas na dikhela. 21 Olestar dobinđam akija zapovest: okova so mangela e Devle valjani te mangel hem pe phrale.