Psalam
5 Jehova, Devla moklo, but čudesna buća ćerđan hem but buća amenđe mangeja te ćere. Niko nane sar tute. Ked bi pokušinava te vaćerav kotar sa odola buća, na bi šaj ni te đenav len. 6 O žrtve hem o prinosija na mangljan, ama phravđan me kana te bi šunava tut. Na rodinđan o žrtve paljenice hem o žrtve aso greh. 7 Tegani phenđum: „Aće, aljum, ko svitko pisini mandar. 8 Devla, uživinava te ćerav ti volja hem to zakon tano hor ano mande. 9 Maškaro ćedimo narodo vaćerava i šukar vest andi pravednost. Mo muj nane phanlo. Jehova, tu odova but šukar đaneja. 10 Na garavava ti pravednost ko mo vilo. Vaćerava andi ti vernost hem ando spasenje kova deja. Maškaro ćedimo narodo vaćerava ando to verno mangipe hem ando ćaćipe.“ 12 Odobor pharipa isi man so našti te đenav len. Odobor grehija ćerđum so na dikhava o drumo anglo mande. Pobuter tane nego so isi man bala ko šero, hem odolese mo vilo phađilo. 17 A me hijum bespomoćno hem ćororo. Nek o Jehova brinini pe mandar. Tu pomožineja man hem izbavineja man. Devla moklo, ma harin!