Jestira

7 O Mardohej vaćerđa lese sa so ulo hem phenđa lese kobor pare o Aman obećinđa so ka del ki kraljesi riznica te mudaren pe o Judejcija. 8 Dinđa le hem o lil kuri pisinđa i naredba aso olengo mudaribe, koja hine dindi ko Susan. Phenđa lese te mothovi odova e Jestiraće, te objasnini laće so desini pe hem te phenel laće te đal ko kralj, te molini le asi milost hem aso po narodo. 11 „Sa e kraljese sluge hem o narodija ando e kraljese pokrajine đanena so aso svako, bilo te ovel murš ja đuvli, kova bivićimo khuvela ko kraljo ko unutrašnje dvorište važini samo jekh zakon: ka ovel mudardo. Samo ako o kralj premalo oleste pružini po zlatno skiptar, ka aćhol đivdo. A me već 30 dive na hijum le vićimi ko kralj.“ 12 Ked e Mardohejese vaćerđe e Jestirake lafija, 13 ov prekalo manuša phenđa laće: „Ma mislin so ka nakhe pošukar ando sa avera Judejcija hem so ka aćhove đivdi samo sebepi so hijan ko kraljeso dvoro. 14 Sose ako akana ništa na pheneja, e Judejcenđe ka avel pomoć hem spasenje andi aver strana, a tu hem te dadeso ćher ka meren. A ko đanela, šaj sebepi akava pharipe uljan kraljica? 15 I Jestira prekalo odola manuša phenđa e Mardohejese: 16 „Đa, ćede sa e Judejcen kola tane ko Susan hem postinen sebepi moklo. Ma han ništa hem ma pijen trin dive hem trin raća. Hem me ka postinav me sluškinjencar, hem palo odova ka đav ko kralj, iako odova nane premalo zakon, pa ako valjani te merav, nek merav.“