Dela apostolska

2 Ama o Judejcija kola na verujinđe ćhivđe e manušen ando avera narodija te irinen pe protiv o phralja. 15 Sose ćerena odova? Hem amen hijam samo o manuša, sar hem tumen! Amen vaćeraja tumenđe i šukar vest te bi aćhavena odola bezvredna buća hem te počminen te služinen e đivde Devlese, kova ćerđa o nebo hem i phuv hem o more hem sa soj tano ano lende. 17 ama ni tegani na aćhavđa tumen, a te na mothovi tumenđe savo tano ađahar so ćerđa šukar buća, dinđa tumen boršim kotar nebo hem ćerđa tumare poljija but te bijanen, dinđa tumen but habe hem pherđa tumaro vilo bahtalipaja. 21 Ked objavinđe i šukar vest hem ki odija diz hem ćerđe but učenikonen, irinđe pe ki Listra, ki Ikonija hem ki Antiohija. 22 Odothe zorjaćerđe e učenikonen, hrabrinđe len te aćhon verna hem phenđe lenđe: „Mora te nakha bare pharipa, angleder so ka khuva ko Devleso Kraljevstvo.“ 23 Ki svako skupština ćhivđe lenđe starešinen. Molinđe pe hem postinđe hem mukhlje o Jehova te brinini pe olendar.