Poslovice

6 Đan hem sikljoven ando ćirja, tumen so hijen mrzale, dikhen so on ćerena hem sikljoven te oven mudra. 7 Iako nane len zapovedniko, ni upravitelji, ni gospodari 8 on nilajese ćedena pese hrana, ćedena pese hrana ko vreme andi žetva. 9 Mrzaleja, đi ked ka pašljove? Ked ka phrave te jaćha hem ked ka ušte? 10 Đi hari soveja, đi hari phaneja te jaćha, đi hari odmorineja hem pašljoveja, 11 o ćororipe ka avel tuće sar ćor hem o nanipe sar o manuš kova isi le oružje. 16 Isi šov buća kola o Jehova mrzini, efta kola tane olese odvratna: 17 o ohola jaćha, i hovavni ćhib hem o vasta kola ćhorena o rat ando nedužna manuša, 18 o vilo kova ćerela lošna planija hem o pre kola siđarena te ćeren lošnipe, 19 o hovavno svedoko kova hovavi samo so phravela po muj hem kova ćerela te oven kavge maškaro phralja. 20 Mo ćhavo, ićer tut ko te dadese zapovestija, hem ma aćhav te dajake savetija. 28 Šaj li o manuš te phirel ko žarija, a te na tharel pe pre?