Matej

6 Tačno ki ekvaš i rat šundilji vika: ’Aće o đamutro! Ikljoven anglo leste!‘ 7 Tegani sa o ćhaja uštinđe hem pripreminđe pe svetiljke. 8 A o diline ćhaja phenđe aso razborita: ’Den amen hari tumaro ulje, sose amare svetiljke samo so na aćhilje.‘ 9 O razborita odgovorinđe: ’Šaj na ka ovel dovoljno hem amenđe hem tumenđe. Pošukar đan ko okola so biknena ulje hem ćinen tumenđe.‘ 10 Palo odova so on đelje te ćinen, reslja o đamutro. O ćhaja kola hine spremna khuvđe oleja ko bijav hem o udar phanljilo. 12 A ov odgovorinđa lenđe: ’Ćaće phenava tumenđe, na penđarava tumen.‘ 13 „Aćhoven đangavde, sose, na đanena ni o dive ni o vreme. 15 Jekhe robose dinđa panđ talantija, e dujtonese duj, a e tritonese jekh, svakonese premalo odova kobor šaj te ćerel, hem palo odova đelo ko drumo. 19 „Palo but vreme alo o gospodari ando odola robija te dikhel so ćerđe olese parencar. 20 Ađahar o robo kova dobinđa panđ talantija alo, anđa pana panđ talantija hem phenđa: ’Gospodare, dinđan man panđ talantija. Aće, zaradinđum pana panđ.‘ 21 Oleso gospodari phenđa lese: ’But šukar, mo šukar hem verno robo! Hijan le verno ko tikne buća hem odolese ka ćhivav tut te brinine tut ando poviše buća. Radujin tut te gospodareja!‘ 22 Palo odova alo o robo kova dobinđa duj talantija hem phenđa: ’Gospodare, dinđan man duj talantija. Aće, me zaradinđum pana duj.‘ 23 Oleso gospodari phenđa lese: ’Tu kova hijan šukar hem verno robo, but šukar ćerđan! Hijan le verno ko tikne buća hem odolese ka dav tut but buća. Radujin tut te gospodareja!‘ 24 „Ko krajo reslja o robo kova dobinđa jekh talant hem phenđa: ’Gospodare, đanđum so hijan zahtevno manuš, so ćedeja odothe kaj na sejinđan hem kaj na sadinđan. 31 Ked o manušikano Ćhavo ka avel ki pi slava hem sa o anđelija oleja, tegani ka bešel ko poklo slavno presto. 32 Hem sa o narodija ka oven anglo oleste, hem ov ka odvojini e manušen jekh ando avera, sar so jekh pastiri odvojini e bakren ando jarcija. 33 E bakren ka ćhivel ki pi desno strana, a e jarcen ki levo. 34 „Tegani o Kralj ka phenel okolenđe kola tane ki olesi desno strana: ’Aven, tumen kas mo Dad blagoslovinđa, nasledinen o Kraljevstvo kova tano pripremimo tumenđe pana ked o sveto ulo. 35 Sose bokhaljum hem dinđen man te hav, trošaljum hem dinđen man te pijav, hijum le stranco hem priminđen man šukar, 36 na hine man šeja hem uravđen man, naborsaljiljum hem brininđen tumen mandar, hijum le ko phanlipe hem tumen aljen te dikhen man.‘ 40 A o Kralj ka phenel lenđe: ’Verujinen maje, sa so ćerđen jekhese ando akala me najtikne phralja, maje ćerđen.‘ 46 Hem akala ka đan ko večno meribe, a o pravednikija ka dobinen o večno životi.