Marko

26 Pana phenđa: „E Devleso Kraljevstvo šaj te uporedina e manušeja kova sejinđa o seme. 27 Ov raćate sovela a diveste uštela. Aso odova vreme o seme niconi hem barjola, a ov ni na đanela sar. 28 I phuv kokri pestar anela plod – prvo i stabljika, palo odova o klaso ando điv hem ko krajo o zrno kova tano zrelo. 29 A čim o plod ovela zrelo, o manuš lela o srp, sose alo o vreme asi žetva. 36 O učenikija phenđe e narodose so šaj te đan, pa legarđe e Isuse čamcoja, a palo leste pođinđe hem avera čamcija. 37 Kotar jekhvar počminđa bari oluja hem o talasija khuvđe o čamco, ađahar harićkase hine ka pherđol panjeja. 38 O Isus hine palal ko čamco hem suća ko jasteko. Tegani đangavđe le hem phenđe lese: „Učitelju, na dikheja li so ka mera?“ 39 Ov tegani uštinđa, vazdinđa po glaso upri bavlal hem phenđa e morese: „Terđov! Ov mirno! Hem i bavlal terdilji hem ulji potpuno tišina. 40 Hem phenđa lenđe: „Sose odobor darandiljen? Kaj tani tumari vera?“ 41 A olen khuvđa i dar hem phenđe jekh jekhese: „Koj tano akava manuš? Čak hem i bavlal hem o more šunena le!“