Propovednik

11 Forde to maro ko pani, sose palo but dive palem ka arakhe le. 4 Ko pazini ki bavlal, niked na ka sejini, hem ko dikhela ko oblakija, niked na ka ćedel. 5 Sar so na haljoveja sar delujini o duh ko kokala ando ćhavoro kova tano ko vođi andi khamni romni, ađahar na haljoveja ni o postupkija ando ćaćutno Devel, kova sa ćerela. 6 Sabalje sejin to seme hem đi raćate to vas ma te odmorini. Sose na đaneja so ka uspini, da li akava ja okova, ja solduj ka oven šukar. 7 I svetlost prijatini e jaćhenđe hem šukar tano on te dikhen o kham. 8 Ako o manuš živini but berša, nek uživini ano lende. Ama, nek ovel le ki godi hem o dive ando pharipa kola šaj te oven but. Sa so avela ništa na vredini. 9 Radujin tut, ćhaveja, đi hijan terno hem nek to vilo radujini pe ko dive ando toklo ternipe. Đa kuri to vilo hem te jaćha legarena tut, ama te đane so aso sa odova o ćaćutno Devel ka sudini tuće. 10 Odolese, cide i dukh ando to vilo hem cide o lošnipe ando to telo, sose o ternipe hem o najšuže berša ko to đivdipe sigate nakhena.