1. Solunjanima
3 O Devel mangela te oven sveta hem te ciden tumen ando blud. 4 Svako tumendar valjani te đanel sar te savladini po telo te šaj te oven sveta hem te oven pali Devlesi volja, 5 a na te mukhel te savladini le i nekontrolisimi polno požuda koja tani normalno e manušenđe kola na penđarena e Devle. 6 hem niko ma te ćerel ništa lošno pe phralese hem ma te mešini pe ko olese pravija,sose o Jehova kaznini aso sa odova,sar so već phenđam hem temeljno svedočinđam. 9 A ando phralikano mangipe na valjani te pisina tumenđe, odolese so o Devel sikavđa tumen te mangen jekh jekhe. 10 Tumen ćaće hem mangena sa e phralen ki celo Makedonija. Ama podstakninaja tumen, phraljalen, te ćeren odova pana pobuter. 11 Trudinen tumen mirno te živinen, te dikhen tumari buti hem te ćeren buti tumare vastencar, sar so sikavđam tumen, 15 Akava vaćeraja tumenđe premalo e Jehovaso lafi: amen kola ka ova đivde đi trajini e Gospodesi prisutnost na ka ova anglo okola kola mulje. 16 Sose kokri o Gospod ka huljel ando nebo hem ka šunđol o zapovedničko poziv hem o glaso ando arhanđeo hem e Devlesi truba, hem prvo ka uskrsninen okola so mulje ko jekhipe e Hristeja. 17 Palo odova, amen kola aćhiljam, kola tegani ka ova đivde, ka ova legarde ko oblakija te ova olencar hem upre te resa amen e Gospodeja. Hem ađahar zauvek ka ova e Gospodeja. 18 Odolese tešinen jekh jekhe akale lafencar.