1. Jovanova

2 Me ćhave, akava pisinava tumenđe te ne bi ćerena greh. Ama ako neko hem ćerela greh, ko amaro Dad isi amen pomoćniko – o Isus Hrist, o pravedniko. 3 Ako ićeraja amen ko olese zapovestija, premalo odova đanaja so penđaraja le. 4 Ako neko phenela: „Penđarava le“, a na ićeri pe ko olese zapovestija, ov tano hovavno hem o ćaćipe nane ano leste. 6 Ako neko phenela so aćhola oleja ko jekhipe, dužno tano hem ov kokri te živini sar so o Isus živinđa. 12 Pisinava tumenđe, me ćhave, sose tane tumare grehija oprostime sebepi oleso anav. 14 Pisinava tumenđe, dadalen, sose upoznajinđen okole kova postojini ando početko. Pisinava tumenđe, terne ćhavalen, sose hijen zorale hem e Devleso Lafi aćhola ano tumende hem pobedinđen e Lošnone. 15 Ma mangen ni o sveto, ni okova soj tano ko sveto. Ako neko mangela o sveto, ano leste nane mangipe premalo o Dad, 16 sose ništa soj tano ko sveto – i želja ando telo, i želja ando jaćha hem hvalibe e bućencar so isi amen – na avela ando Dad, nego avela ando sveto. 17 A o sveto nakhela hem olese želje, a okova kova ćerela e Devlesi volja aćhola zauvek. 22 Koj tano o hovavno ako na okova so na priznajini so o Isus tano ćaće Hrist? Ko na priznajini e Dade hem e Ćhave, ov tano antihrist.