Isaija

30 „Teško e ćhavenđe kola tane zorale šerese“, phenela o Jehova, „kola ispuninena pe namere, a na mekle, hem ćerena savezija, ama na premali mi volja nego ćhivena greh upro greh. 9 Sose on tane buntovno narodo, hovavne ćhave, ćhave kola na mangena te šunen e Jehovaso zakoni. 15 Sose o Svevišnjo Gospod o Jehova, o Sveto e Izraeleso Devel, ađahar phenđa: „Ako ka irinen tumen maje hem ako mirno pouzdajinena tumen upro mande, ka oven spasime. Arakhen o mir hem o pouzdanje, odova ka ovel tumari snaga.“ Ama tumen odova na mangljen. 18 Ama o Jehova strpljivo ađićeri te mothovi tumenđe šukaripe, ov ka mothovi tumenđe milost. Sose o Jehova tano pravedno Devel. Bahtale tane sare kola ađićerena upro leste. 19 Ked o narodo ka živini ko Sion ko Jerusalim, više na ka rove. Ov sigurno ka smilujini pe tuće ked ka šunel so asvencar rodeja le. Samo so ka šunel tut, ov ka odgovorini tuće. 20 O Jehova ka parvari tumen pharipaja sar mareja hem ka pherel tumen e mukaja sar panjeja, ama to Veličanstveno Učitelj više na ka garavi pe hem te jaćhencar ka dikhe te Veličanstveno Učitelje. 21 Hem ako bi đana desno ja levo, palo tumende ka šunen o glaso kova vaćeri: „Odova tano o drumo, đan odole drumoja.“ 23 Ov ka del o boršim te niconi o seme kova sejineja hem ti phuv but te bijani, te ovel tut šukar maro kobor god mangeja. Ko odova dive ti stoka ka hal ćar ko bare pašnjakija. 24 O guruva hem o hera ka han ukusno hrana koja tani čistimi andi pleva lopataja hem vilaja. 25 Ki svako ući gora hem ko svako ućo brego ka ovel potok hem bare panja, odova dive ked ka ovel baro mudaribe hem ked o kule ka rušinen pe. 26 I svetlost ando pherdo mesec ka ovel sar i svetlost ando kham, a i svetlost ando kham ka ovel efta putija pozorali, sar i svetlost ando efta dive, odova dive ked o Jehova pe narodose ka paćari o phago than hem ked ka saćari i bari rana ando udarcija kola khuvđa le.