Isaija
60 „Ušti, romnije, svetlin, sose alji ti svetlost. E Jehovasi slava svetlini upro tute. 2 Odolese, aće, o mrako ka ućhari i phuv hem i bari tomnina e narodon, a upro tute o Jehova ka ćhivel pi svetlost hem olesi slava ka dićhol upro tute. 3 O narodija ka đan premali ti svetlost o kraljija premalo to veličanstveno sjaj. 16 Hem ka pije o thud ando narodija, ka parvare tut kotar e kraljengo kolin. Ka đane so me hijum, o Jehova, toklo Spasitelj, soj tano moćno e Jakoveso Devel toklo Otkupitelj. 17 Umesto bakar ka anav zlato, umesto sastron srebro, umesto kašta bakar, umesto bara sastron. Ka ćhivav o mir te ovel tuće sar nadgledniko hem i pravda sar upravitelj. 22 Kotar tikno ka ovel baro hem kotar slabo ka ovel zoralo narodo. Me, o Jehova, ked ka avel o vreme, sigate ka ćerav odova.