Efešanima

7 Prekalo leste hijam oslobodime e otkupninaja koja ov platinđa pe rateja, oprostime tane amare grehija sebepi e Devleso baro bizaslužimo šukaripe. 8 Odova bizaslužimo šukaripe but mothovđa amenđe hem dinđa amen bari mudrost hem razboritost 9 ađahar so objavinđa amenđe i sveto tajna andi pi volja. Odija sveto tajna tani premalo odova so ov mangela, premali olesi namera 10 te šaj sa te ćerel pe ked aso odova ka avel o vreme, te šaj sa te sastavini pe prekalo Hrist – odova soj tano ko nebo hem odova soj tano ki phuv. Sa sastavini pe prekalo leste, 11 kasa hijam ujedinime hem birime aso naslednikija, angleder odredime premali namera okolesi kova sa ćerela sar odlučinđa premali pi volja, 13 A hem tumen uzdajinđen tumen upro leste ked šunđen o lafi ando ćaćipe, i šukar vest kotar tumaro spasenje. Ked mothovđen so verujinena, prekalo leste sar pečateja hijen obeležime e sveto duhoja kova hine obećimo, 14 kova tano garancija so ka dobina amaro nasledstvo. Obeležime hijen pečateja te bi okola kola pripadinena e Devlese ovena oslobodime prekali otkupnina, olese ki slava hem ki hvala . 17 te bi o Devel ando amaro Gospod Isus Hrist, o slavno Devel, dela tumen te oven mudra hem te haljon o buća kola mothovi đi trudinena tumen šukar te penđaren le. 18 Phravđa tumare jaćha te šaj jasno te dikhen savi nada dobinđen ked vićinđa tumen o Devel, save odola veličanstvena blagoslovija arakhi sar nagrada aso sveta, 20 koja mothovđa upro Hrist ked vazdinđa le ando mule hem ked ćhivđa le te bešel ki olesi desno strana ko nebo, 21 hem ađahar ov ćhivđa le te ovel upreder svako vladavina, svako autoritet, svako sila, svako vladari hem svako anav, na samo ko akava sveto nego hem ko okova so valjani te avel. 22 Hem sa ćhivđa talo lese pre hem ćhivđa le te ovel poglavari upro sa soj tano povezimo e skupštinaja,