Jezekilj

2 Ov phenđa maje: „Tu so hijan o manušikano ćhavo, ušti te vaćerav tuvaja.“ 2 Samo so počminđa te vaćeri mancar, o duh khuvđa ano mande hem vazdinđa man ko pre te šunav okole kova vaćeri manđe. 3 Palo odova phenđa maje: „Tu kova hijan manušikano ćhavo, bićhalava tut ko Izraelcija, e buntovno narodose kova pobuninđa pe protiv mande. On hem olenge phure grešinena maje sa đi avdisutno dive. 4 Bićhalava tut ko buntovna ćhave kola isi len zorale vile. Phen lenđe akava: ’Ađahar vaćeri o Svevišnjo Gospod o Jehova.‘ 5 Bizo obzir ko odova da li ka šunen ja na – sose tane buntovna – ka đanen so o prorok hine maškaro olende. 6 „Ama tu, kova hijan manušikano ćhavo, ma dara olendar hem ma dara ando olenge lafija, iako tane svuda uzo tute sar kare kola posavena hem iako živineja maškaro škorpije. Ma dara odolestar so vaćerena hem ma dara ando olengo muj, sose on tane buntovna. 9 Ked vazdinđum mo šero, dikhljum jekh vas kova pružinđa pe premalo mande hem ko odova vas hine pisimo jekh svitko. 10 Ov phravđa le anglo mande, a hine pisimo ko solduj strane. Koro leste hine pisime o lafija ando naricanje, tuga hem rojba.